الحلقة الاولى من سلسلة المستوى المتقدم

نبدأ بالسؤال اللي محير ناس كتير

انا اشتغلت واتعلمت وطورت من نفسي

ازاي بقا أجيب عميل يا دكتور؟

هكلمكم عن افضل ثلاث طرق انا جربتهم بنفسي وجابوا لي عملاء بكواليتي ممتازه بيدفعوا ليك اللي تقولهم عليه من غير رفض وده نتيجه بناء الثقه

اول طريق وهو اهم طريق انك على طول تحول كل اكونتات السوشيال ميديا بتاعتك ل niche واحد ما تنزلش اي بوستات الا تخص النيتش ده وهو هنا تصميم المواقع بالاضافة انك تعمل اكونت احترافي ع لينكد ان وتبدا تنوع في المحتوى للمتابعين بتوعك المهتمين بمجال تصميم المواقع وتمسح وتفلتر الاكونت من الناس اللي مش مهتمه وتخلي الاكونت ده مخصوص للشغل

ميزه الطريقه دي ان انت كده بتبني ثقه مع الناس المتابعين بتوعك وبتبين لهم فعلا انك خبير في الجزئيه دي

ثاني طريق وهو العمل على الفريلانس زي مواقع زي upwork, freelancer, mostqal

هتبدا ان انت تعمل بورتفوليو قوي جدا على المنصات الفريلانس هتبدا تتعلم ازاي تقدم بروبوزال احترافي وهتعتمد على AI هيساعدك بشكل قوي جدا نصيحتي ليك في الجزئيه دي لما تيجي تقدم على مشروع لازم تحط نفسك مكان العميل العميل محتاج ايه بالظبط عليك انك تعرفه انك قادر تعمل الحاجه اللي هو عايزها و بيسعي يوصلها

فالبروبوزال بتاعك يكون كلام تعريفي عنك بسيط جدا وتخش في المشروع على طول تتكلم ان انا هعمل كذا عشان اوصلك لكذا فانا كعميل حاطط المشروع احس ان انت فاهمني وان انت فعلا هتوصلني للنتيجه دي مع طبعا ان انت تبعت له مشاريع سابقه في نفس الموقع اللي انا عايزه

الطريق الثالث وهي على طول انك تشتري سيرفر اون لاين دلوقتي وتبدا تعمل موقع بروتفوليو قوي جدا تحط عليه كل مشاريعك اللي انت عملتها سواء بتتعلم سواء بتتدرب وتعملcv قوي مناسب ل ATS وتبدا تقدم على شغل وتنزل برده محتوى

يبقى خلاصه الحلقه الاولى النهارده ان المحتوى هو الملك

THE CONTENT IS THE KING

كفايه كده النهارده اتمنى اكون افادتك

واتشرف بمتابعتك وشير في الخير

واستنى البوست الجاي

هيبقي عن ازاي اتفق مع العميل قبل ما ابدا ف المشروع وازاي اضمن حقي؟

ومتنساش تقولي جربت انهي طريق من التلاته قبل كدا والنتيجه كانت ايه؟